試下－$29.9洗面刷
之前有用過Clarisonic 既洗面刷，可惜係大陸做野時留底左 :(
Clarisonic 既洗面刷當時買大約＄1500，係幾好用既，佢個刷毛係非常柔軟，完全吾覺有個刷刷緊塊面，我比個17歲少女主試用，佢黑頭勁多，佢試用完話：好勁呀！D黑頭飛哂出黎呀。 好可惜吾見左，亦冇打算買過部。
年頭係朋友屋企見佢用呢個DR. BAUER pobling pore sonic cleanser, 佢話好好用＄198／1個。 有次經過卓悅見做特價，＄299/2個。立即買黎試。
同其他洗面刷比較，呢個係吾會轉動既，用1粒3AAA電芯，只係會震，試過後，覺得麻麻地，因為個震動係冇乜發揮作用，打個比如：一般刷加洗面產品洗刷時係應該會有起泡效果，但呢個刷係冇起泡情況出現。 所以令我聯想果個會震既牙刷其實都冇乜用囉。
不過，如果你買左呢個震動洗面刷吾好嘥。 就當佢係一個普通刷洗面都得既。
前一排去SASA買野，比錢時個收銀員問我要吾要加$29.9 換一個洗面刷，當時唸呢個價錢吾慌好用啦，但只係$29.9, 包裝都算幾靚，冇執輸既心態就要左。
仲要有士啤刷頭，用2粒2AA電芯，擺左係屋企幾個月，終於攞黎用，又估佢吾到，刷毛都算軟，相比Clarisonic 就緊係差好遠。大佬呀，價錢都差異9丈遠啦！
講時講當日用佢洗面時，突然醒起，不如影張洗面相放係呢到，咁我就一面洗，一面搵電話，又要開個Apps，另一隻手張個刷貼係面，問題黎啦，就係咁係同一個位洗耐左。之後搽野上面，有D乸，應該係洗到甩皮。
最戇居係： 其實影相 je, 吾需要開著個掣都影得 ga ma。 :( 仲要成口泡。
所以呢個咁平既刷不宜日日洗，又或者不宜一次用太長時間，如日日用的話，只需輕輕全面每個部位洗刷一次，不要重複或者長時間停留某一位置。
仲有就係個入電位只是一般設計，所以會容易入水，用時及用後都要小心擺放。
