油雞肶專用洗頭水
屋企人成日話個頭油雞肶，試完一支吾得又買一支，所以呢個月都有好幾支。等我記錄一下各支油性髮質用既洗頭水。
呢支見廣告成日播。因為其中一個脫髮原因，係毛囊比油脂倒塞，所以防脫髮洗頭水應該洗完頭會爽既，就買黎叫油雞肶試下，用2次就話吾掂，瞓醒第二日就立黐黐。
再買呢支
seba 品牌比較正路及溫和，所以又試呢支油性既洗頭水。點知又係話佢係油雞肶。
再係網上有人話呢支Body Shop既幾好。$89
呢支Body Shop蘊含有機巴卡斯油、白蕁麻精華、海藻及社群貿易蘆薈，有效地清除過多油分，既不會留下任何殘留物，又能重塑柔亮秀髮。油性發質適用。
再無意中買左呢支Yves Rocher 有機植物精華護髮系列有機蕁麻控油洗髮露(無防腐零矽膠Silicone Free 既洗頭水。＄79.
咩係蕁麻？
上網check原來蕁麻有好多好處，其中用於頭髮有平衡油脂，有抗敏及修護作用，另外對於乾燥及騷癢皮膚有改善作用。最緊要真係吾會變油雞肶。我就鐘意佢洗完頭留底果陣草本味道。
而最近染左一頭紫色頭髮，染過都知甩色甩得其快，我就專登買左呢支Shiseido 護色洗頭水。＄268 。髮型師話日本洗頭水有保證。洗完又滑。
我一向都係專業既髮品店買頭髮用品。老闆介紹呢支Shiseido既。真係幾好用喎。以我又漂又染，洗完都滑do do.。我買既係補充裝放入屋企用剩舊洗頭水樽。
